Ano ang kahulugan ng Haiku at halimbawa nito

Ano ang kahulugan ng Haiku at halimbawa nito

Answer :

ANO NGA BA ANG HAIKU?

  • Ang haiku ay tulang binubuo ng labinpitong pantig, na may tatlong taludturan; na ang unang taludtod ay may limang pantig, sa ikalawa ay may pitong pantig, at ang ikatlong taludtod ay may limang pantig. Ito’y nagtataglay ng talinghaga.
  • Ito ay isang uri ng maikling tula o saknong (stanza) o taludturan sa larangan ng panulaan (poetry) na nagsimula sa bansang Japan.

Sa literatura ng mga Hapon:

  • Ito ay binubuo ng tatlong (3) taludtod at may bilang ng mga pantig na lima-pito-lima (5-7-5) ayon sa pagkakasunud-sunod.
  • Ito ay karaniwang hindi nangangailangan ng tugma sa bawat hulihang bahagi ng salita ngunit ginagamitan ng paghahambing ng isa o dalawang ideya o kaya naman ay paglalarawan ng dalawang magkaibang (juxtaposition) tao, hayop, bagay, pangyayari o lugar.

Ang mga Hapones ay mahigpit sa pagpapatupad ng mga alituntuning kaakibat ng ganitong uri ng sining. At dahil na rin sa likas na pagkamalikhain ng mga Hapones, naipaimbulog sa kanilang kultura ang haiku at magpahanggang ngayon ay kinakikitaan ng katangiang maaaring maging paraan upang mapagyaman ang kanilang sining.

Ang mga salita na may wastong sukat na mga pantig na 5-7-5 at may tugma sa hulihang bahagi at may iisang diwa, ideya, paglalarawan, at katugmaan ang kalimitang nagiging dahilan ng ikagaganda ng isang haiku.

Sa Pilipinas, ito ay karaniwang inihahalintulad ang haiku ating sariling uri tula na katulad ng TANAGA, DIONA AT DALIT. May mga alituntunin ding sinusunod at may mga sukat ng pantig na dapat isaalang-alang ang mga uri ng ganitong tula. Ngunit ito ay isang pagkakamali. Hindi nararapat na ihalintulad ang haiku sa ating literatura (poetry). Ang haiku ay haiku. Ang tanaga ay tanaga. Ang diona ay diona. Ang dalit ay dalit.

Sila, sa kanilang pagkakaiba ay may kanya-kanyang katangian na siyang nagiging dahilan ng kanilang pagiging kakaiba sa bawat isa. May kanya-kanya silang batas na sinusunod at mga alituntunin kung kaya’t sila ay dapat na ituring na magkakaibang uri (hindi magkakatulad) ng panulaan.

Bagaman pawang mga kakaiba (unique) ang katangian at batas na sinusunod sa mga uri ng tulang ito, lahat ay nagiging dahilan upang mahasa ang balarila ng sinumang nilalang na magsusubok kumatha.

Ang mga ito’y magpapayabong at magpapaunlad ng wikang Filipino / Tagalog / Bisaya / Kapampangan / Iloko at iba pang diyalekto sa Pilipinas na magiging daan upang lalo pang mapagyaman ang literatura at sining sa ating bansa.

Sinubok kong gumawa ng HAIKU IN TAGALOG sapagkat nagnanais akong mapasailalim sa isang batas hindi upang maipagkamaling tumatalikod na ako sa tanaga, dalit at diona. Gumawa ako ng mga tagalog haiku upang mapagyaman ko ang aking bokabularyo at magkaroon ng sapat na kakayahan sa larangan ng panulaan dito sa ating bansa at upang maibahagi ito sa buong mundo.

Halimbawa ng haiku

1

Gabing madilim,

Kulay ay inilihim,

Kundi ang itim.

2

Masamang tao

Darating ang wakas mo

Sa impiyerno.

3

Magdasal ngayon

Sa ating PANGINOON

Upang maglaon.

4

PANGINOON ko

Patawarin mo ako

Ako’y iwasto.

5

Ulilang damo
Sa tahimik na ilog
Halika, sinta!

— Gonzalo Flores

 

Our team advises readers to look into the following questions :Cordillera bamboo instrument played by striking against the palm of one hand,